ذبحتني ما عاد في داخلي روح

ذبحتني ماعاد في داخلي روح
وغيم سماي الحزن وإنت السبايب
وكسرت خاطر من يحبك ومشفوح
يبغى لقاك وعود اليوم خايب
كسرت زجاج طاح من عالي سطوح
من يجبره لاصار كسره حطايب
ورميتني في غب الأحزان مجروح
ولاظنتي جرح الهوا منك طايب
اضحك وبادل راعي الضحك بمزوح
والقلب في جواي ينقص صوايب
الحظ يقفي وباب الأوجاع مفتوح
وحالي وعيني يستهل التعايب
والدمع من عيني على الخد مسفوح
والراس من كثر الهواجيس شايب
فرق الشقى بعالي سماي بدا يروح
وهلت دموعي مثل هل السحايب
حبيت واثر الحب مامنه مصلوح
خصن إني حبيت والحب عايب
حبن طرف واحد به صدود وجموح
من واحدن من حبه القلب ذايب
انا وصلت وصل غالي بشفوح
وطبع الوفا في مغليه غايب
جنب وخلاني على الجنب منزوح
واقفى وخلى نار شوقي لهايب
وقالها في كل تأكيد ووضوح
رح إبتعد مابيك محنى حبايب
والمشكله ماقدر على الهرج والبوح
في حيرت البلشان ذقت النشايب
اخاف لاسبتني مع الناس مفضوح
وسود الوجيه تحط فيني العوايب
مدموح ياخلي عن الزل مدموح
مابه ملام الحب مابه غصايب
مالوم خلي عن الصد مسموح
الوم نفسي ليه ذقت المصايب
ليه انا إخترت هوا البال مملوح
وعزيته اكثر من عزيزين القرايب
يازين ماني عن محبتك منصوح
ولاظنتي بانسى وعن الحب تايب
اقولها في صوت مبحوح بالحوح
سنين عمري راحت لجلك نهايب
طيفك يراودني ولاهو بممسوح
ركز على التفكير صرنا صحايب
وذا سمعت إسمك طرابخاطري جموح
ويدق قلبي مثل سير الكتايب
ياويل حالي وين اباهيم واروح
والياس في قلبي عن آخر الركايب
تحطمت دنياي ماعندي طموح
وطار الأمل كالريش وسط الهبايب
وصفت انا قصته محبته بشروح
ولاغيره يحوش الدوا والطبايب
بقت حياتي كلها ارجيه وانوح
وشوفيني ولو هلو علي الترايب
وان مت حطو قصتي داخل اللوح
وغزولي اللوح بجنب النصايب
وقولو سبب موته من فلان مذبوح
عساه من عقبي يذوق العقايب



مما راق

ودي ووردي