نِـــهَـــايَـــــاَت الغَـــــرَام

تدري وش آخر نهايات الغرام
ينتهي والكل منهم في طريق
ينتهي من دون وداع ولاسلام
كل منهم بس في دمعه غريق
ويبتدي درب الحزن حزة ظلام
في عالم الآهات زفرات وشهيق
والسكوت يكون ومايبقى كلام
وقت فيها الكون على العاشق يضيق
والسهر يبدا ولحظات الملام
ليه وعل وكيف وحمل مايطيق
لو غفت عينه فلا ذاق المنام
عيا من زود التعب عيا يفيق
غارق بهموم قلبه والهيام
يم ذاك الحب وهذاك العشيق
الحزن باني على قلبه خيام
جرح قلبه للأسف جرح عميق
سبت الفرقاء غدى حاله عدام
صاحبه حزنه وهمه له رفيق
لوشفت جسمه ناحل كله عظام
دايم مشتاق على خله شفيق
حالته حالة ونفسه في انهزام
ان ضحك لحظات وهمه له يعيق
دنيته بسباب حبه في حطام
منسجن في الهم ماكنه طليق
ان شكى شكواه ماتلقى اهتمام
ملو اهله والأقارب والصديق
علته عله وسقامه سقام
مالقا له طب في حاله يليق
طبه الدعوة إلى رب الانام
رب كل الكون والبيت العتيق