صـــــــــعــــــــــــــــب !!!!

صعب لامنك فشلت... وصعب لامنك لقيت
إن من يكره نجاحك يدري إنك مانجحت


امس ضقت.. ورحت أقلب ذكرياتي وأنتهيت
عند صورة طفل صوته مثل صوتي لا أنجرحت


وش مثل!.. لا والله الا هذاا انا يوم ابتديت
أنطق حرووف تلعثم في لساني لا أنمدحت


هذاا انا .. يو الحياة فنظرتي عشرين بيت
ومسجدين .. ومدرسه من طين كم فيها اصطبحت


هذاا انا.. واصبحت اتمتم.. هذاا انا.. حتى بغيت


أختنق.. بس القدر عيا على موتي وطحت
وصاح صوت الطفل فيني:انت من وين ارتميت؟!


قلت: أنا المستقبل اللي فيه كم همت وطمحت
أمس كنت ابيك تكبر.. بس والله لو دريت


أني اللي عشت لاجلـــــــــه مت عندك واسترحت
لو دريت إن الزمن يجر رجلي .. ماعديت
ولو دريت إن البحور بلا مواني... ماسبحت


كان دربك لي طويل.. وكل ماشفتك هويت


قلت لك كبوة جــــــــــــــواد..ومابكيت ولا جمحت
ليه تسمعني وتمشي.. آآآه ليتك ما مشيت
وآه ليتك من كثر عثرات الايـــــــــــــــــــام انتصحت


ضاعت احلامي.. وضل الحزن فيني.. واهتديت
للطريق اللي يويني على دمعي.. ورحت
يالحزن.. ليتك مثل دمعي وتنزل لا رقيت
بس اعرفك.. لو مسحت الدمع.. تبقى مانمسحت


كان حلمي في وجود إنسان يبكي لا بكيت
وصار حلمي في وجود إنسان يفرح لا فرحت


كنت اشوف الناس مثلي.. كل ماجعت وضميت
مادريت ان الاوادم.. ناس فوق.. وناس تحت
آه يااول ذكرياتي .. خذني فحضنك نسيت


لا سالك عن وجه ابوي الي معه ياما سرحت
خذني فحضنك ابغفى .. ياه..مبطي ماغفيت


وإن لمحت دموع عيني.. سو نفسك مالمحت
خذني فحضنك وبعثر في جروحي.. وان قضيت
هزلي كتفي وقل لي..عيب تبكي لو سمحت
اضحك وعلم زماني.. من انا.. ومن وين جيت
طق باب الحزن.. واصرخ في لامني فتحت
وضمني يمك وكمل ضحكتك لامن بكيت
ودي اذكر كيف كانت ضحكتي لامن فرحت